12 დეკემბერს, ჯანმრთელობის მეცნიერებისა და საზოგადოებრივი ჯანდაცვის სკოლის ორგანიზებით საქართველოს უნივერსიტეტში გაიმართა საჯარო ლექცია თემაზე „ბასკეთის ჯანმრთელობის დაცვა - მდგრადი სისტემის ნიმუში“.
ლექცია წაიკითხა ბასკეთის უნივერსიტეტის პრევენციული მედიცინისა და საზოგადოებრივი ჯანდაცვის დეპარტამენტის პროფესორმა დიეგო რადა ფერნანდეზ დე ხაურეგმა.
აღსანიშნავია, რომ პროფესორ დიეგოს აქვს კანადისა და ევროკავშირის ჯანდაცვით და კვლევით პროექტებში მონაწილეობის მრავალწლიანი გამოცდილება.
ლექციაზე საუბარი შეეხო შემდეგ საკითხებს: ბასკეთის ავტონომიური სახელმწიფოს ჯანდაცვის სისტემას, საზოგადოებრივის ჯანმრთელობის მოწყობას, სტრატეგიულ გეგმას, მოქმედ სახელმწიფო ჯანდაცვით და სოციალურ პროგრამებს, ბიუჯეტს და სხვ.
ლექცია კითხვა - პასუხის რეჟიმში მიმდინარეობდა.